20 Mawrth 2020
Annwyl Rieni / Gofalwyr
Diweddariad
Darparu Gofal i Blant Gweithwyr Allweddol
Yn unol â chanllawiau’r Llywodraeth a’r awdurdod Addysg Lleol, bydd yr ysgol ar agor i blant Gweithwyr Allweddol a phlant mewn gofal YN UNIG, ddydd Llun a dydd Mawrth 23 & 24 Mawrth. Wedi hynny, bydd yr Awdurdod Lleol yn aseinio nifer gyfyngedig o ganolfannau i darparu gofal, gyda chefnogaeth staff ysgolion o bob rhan o’r awdurdod.
Am ddiffiniad o Weithwyr Allweddol gweler: https://www.gov.uk/government/publications/coronavirus-covid-19-maintaining-educational-provision/guidance-for-schools-colleges-and-local-authorities-on-maintaining-educational-provision
Os ydych chi’n syrthio i’r categori Gweithiwr Allweddol, sydd a phlentyn sydd DDIM yn y categori mewn pryder, ac mae angen gofal ar eich plentyn/plant, gofynnwn yn garedig i chi cwblhau’r ddolen Survey Monkey ar dudalen we’r ysgol ar y cyfle cyntaf posib er mwyn i ni drefnu bod staff ar gael i warchod eich plant. Gofynnwn i chi hefyd ystyried yn ofalus y cyngor a’r canllaw a geir yn y ddolen uchod, ac yn benodol:
- Os oes unrhyw bosibilrwydd, dylid cadw eich plant gartref
- Y lleia o blant sydd yn yr ysgol, y lleia yw’r peryg o ledaenu’r feirws
- Ni ddylid dibynnu ar bobl sydd wedi eu cynghori’n benodol i gadw pellter cymdeithasol gofalus h.y. pobl dros 70 oed, ffrindiau a theulu sydd â chyflwr iechyd neilltuol
- Dylid gwneud bob dim posib i sicrhau bod plant hefyd yn ymarfer yr un egwyddorion cadw pellter cymdeithasol ag oedolion
- Mewn gair mae gofyn i bawb newid eu harferion cymdeithasol
Plant Sy’n Derbyn Prydau Ysgol am Ddim
Bydd yr ysgol yn darparu bocs bwyd i blant sy’n derbyn prydau ysgol am ddim. Os ydych yn gymwys ac am dderbyn y ddarpariaeth yma, gofynnwn i chi roi gwybod i’r ysgol ac i ddod i’r Campws Cynradd i gasglu’r bwyd rhwng 11.00am – 1.00pm
Diolch yn fawr am eich cefnogaeth yn ystod yr amser argyfyngus yma yn ein hanes.
Yn gywir
Dafydd M B Jones
Pennaeth